De vorstewissel bie CV de Kujeldreiers geit dit seizoen den toch plaatsvinje;
Osse huidige Vorst Eric heet in 2019 aangegaeve in ‘t seizoen 2021/2022 z’n vorstesjap te wille gaon euverdrage. Vorst Eric is op zeuk gegaon nao eine waardige vervanger en dae heet d’r gevonje in de persoean Rob Clerkx.
Rob is Prins gewaesj in 2010 en daonao Prinsejaeger en de rechter handj van Vorst Eric. Hae wètj as geine angere vastelaovendj vierder in Kelpe-Oler waat zien noewe rol as Vorst geit inhaoje.
De regelgaeving rondjom Covid-19 lietj ’t noe toe om mèt ein beperktj gezelsjap de vorstewissel door te laote gaon. Dit geit gebeure op zunjing 13 februari 2022 in ’t Prinsepalies Grandcafè Bie de Tied in ‘t gezelsjap van os leden van CV de Kujeldreiers.
Wae trappen deze Mini Gala Zitting aaf om 14:00 oor mèt de Vorstewissel. Aug zulle wae op deze middig os jubilarisse van ‘t seizoen 2021 en 2022 gaon höldjige en zal er ’t nuudige vermaak zeen.
Same mèt oze noewe vorst en ‘t Jeugdprinsenpaar van de KO Kids Jeugdcarnaval, gaon wae de vastelaovendj in Kelpe-Oler laote leave. I.s.m. diverse minse zeen wae aan ’t kieke waat wae, op ein verantwoordje meneer, kinne organisere zoedet vastelaovendj op de ein of angere meneer toch kan waere geveerdj. Blieftj os en de KO Kids jeugdcarnaval volge via Facebook om op de huuegdje te blieve van os acties.
Haoj vol en blief gezóndj, den make wae ‘t gauw weer same bontj!